മരിച്ചു കിടക്കുമ്പോൾ

...........................

എരമല്ലൂർ സനിൽകുമാർ

.................

മരിച്ചു കിടക്കുമ്പോൾ ജീവിച്ചിരുന്നപ്പോഴെന്ന  പോലെ

കണ്ണുകൾ 

തുറന്നിരിക്കരുത്.

നേഴ്സ് അവന്റെ ചെറിയകണ്ണുകൾ

മദുവായി

തിരുമ്മിയടച്ചു.

മരിച്ചു കിടക്കുന്നവർ

 കൊതി തീരെ

ഈ ലോകം കണ്ടിട്ടുണ്ടായിരിക്കുമോ -

യെന്നാ നേഴ്സ്  

ഒരിക്കലെങ്കിലും

ആരും കാണാതെയെങ്കിലും

കണ്ണീർ തൂവിയിട്ടുണ്ടായിരിക്കില്ലേ...

അവൻ കണ്ട

 കാഴ്ചകളിനിയെങ്ങനെ

അവന്റെ കണ്ണുകൾ

 മെനഞ്ഞെടുക്കും.

എല്ലാം ഒരു സ്വപ്നമായിരുന്നുവെന്ന്

അവന്റെ 

ആ ചെറിയ കണ്ണുകൾ

കണ്ണീരില്ലാതെ

 തേങ്ങുന്നുണ്ടായിരിക്കുമോ?

ആദ്യ പ്രണയത്തിലെ

പ്രണയിനിയെ

ഇനി

അവനെങ്ങനെ ഓർത്തെടുക്കും!

അവന്റ  ഹൃദയമൊരു 

നെരിപ്പോടിലെന്ന പോലെ

പിടയ്ക്കുന്നുണ്ടാവുമോ ?

കുഞ്ഞുനാളിൽ

അച്ഛന്റെ , അമ്മയുടെ

കൈ പിടിച്ചു നടന്ന വഴികളെന്നല്ല

ഒരു വഴിയും

ഇനിയവന്  സ്വന്തമല്ല.

അറിഞ്ഞ രതിലീലകളാക്കെ 

നിഴൽ നാടകങ്ങൾ!

സഹോദരങ്ങളോടൊപ്പം

സുഹൃത്തുക്കളോടൊപ്പമൊക്കെ

ആടിയ വേഷങ്ങൾ

വെറും കനവ് !

മരിച്ചവരുടെ കണ്ണുകൾ

അവരെ നോവിക്കാതെ

മൃദുവായി

 തിരുമ്മിയടക്കാൻ

മറക്കരുത്!

മരിച്ചവരുടെ കണ്ണുകൾ

തുറന്നിരുന്നാൽ

ആ കണ്ണുകൾ

നമ്മുടെ 

ഉള്ളിന്റെയുള്ളിലേക്കാഴ്ന്നിറങ്ങിയാലോ ..

അരുതാത്ത കാഴ്ചകൾ

ചിന്തകൾ

തൊട്ടറിഞ്ഞാലോ...

പിന്നെ,

മരിച്ചവർ അതിഥികളല്ല

ആതിഥേയരാണ്!

           *

16/04/2020

Mob No.9037801025

sanilpkumaran@gmail.com

ഏറുകണ്ണൻ

അവനോട്

എനിക്കെന്തനിഷ്ടം !

അവൻ പറയും പോലെ

അവനെന്നോട്

ചിരിച്ചതും

മിണ്ടീതും

ഞാനറിഞ്ഞിട്ടേയില്ല.

അവനെന്നും

ചിരിച്ചതും

മിണ്ടീതും

കൂട്ടത്തിലാരോ

ഒരാളോട് !

എനിക്കെന്നും

അങ്ങനെയെ

തോന്നിയിട്ടുള്ളു.

അവനെന്നോട്

ചിരിച്ചതും

മിണ്ടീതും

കുറഞ്ഞ പക്ഷം

ഞാനെങ്കിലുമറിയണ്ടേ..?

പിന്നെങ്ങനെ,

ഞാനവനോട് ചിരിക്കും,

മിണ്ടും !

.........എരമല്ലൂർ സനിൽ കുമാർ

കാമുകി

ചുടുചുണ്ടിലെ നറുതേൻ തന്നോൾ

ഒരു കൈയാൽ സ്നേഹപാത്രം നീട്ടിയോൾ

മറുകൈയാൽ പാനപാത്രം തട്ടിയോൾ

കണ്ണട

കണ്ണടയല്ല

കണ്ണാണ` മങ്ങിപ്പോയ്ത്‌.

എന്നിട്ടും

കാഴ`ച്ചതെളിയുന്നില്ലെന്ന്

ഞാന്‍ കണ്ണട

തുടച്ചുകൊണ്ടേയിരിക്കുന്നു!

എരമല്ലൂര്‍ സനില്‍ കുമാര്‍