ഏറുകണ്ണൻ

അവനോട്

എനിക്കെന്തനിഷ്ടം !

അവൻ പറയും പോലെ

അവനെന്നോട്

ചിരിച്ചതും

മിണ്ടീതും

ഞാനറിഞ്ഞിട്ടേയില്ല.

അവനെന്നും

ചിരിച്ചതും

മിണ്ടീതും

കൂട്ടത്തിലാരോ

ഒരാളോട് !

എനിക്കെന്നും

അങ്ങനെയെ

തോന്നിയിട്ടുള്ളു.

അവനെന്നോട്

ചിരിച്ചതും

മിണ്ടീതും

കുറഞ്ഞ പക്ഷം

ഞാനെങ്കിലുമറിയണ്ടേ..?

പിന്നെങ്ങനെ,

ഞാനവനോട് ചിരിക്കും,

മിണ്ടും !

.........എരമല്ലൂർ സനിൽ കുമാർ

കാമുകി

ചുടുചുണ്ടിലെ നറുതേൻ തന്നോൾ

ഒരു കൈയാൽ സ്നേഹപാത്രം നീട്ടിയോൾ

മറുകൈയാൽ പാനപാത്രം തട്ടിയോൾ

കണ്ണട

കണ്ണടയല്ല

കണ്ണാണ` മങ്ങിപ്പോയ്ത്‌.

എന്നിട്ടും

കാഴ`ച്ചതെളിയുന്നില്ലെന്ന്

ഞാന്‍ കണ്ണട

തുടച്ചുകൊണ്ടേയിരിക്കുന്നു!

എരമല്ലൂര്‍ സനില്‍ കുമാര്‍